Պրոգրես համալսարանի բժշկական քոլեջ

1996 թվականին Պրոգրես համալսարանի ռեկտոր Ռ. Խաչատրյանի ջանքերով հիմնադրվեց բժշկական քոլեջը, որը հաջողությամբ գործում է մինչ օրս: Քոլեջը պատրաստում է քույրական գործ, մանկաբարձական գործ, ատամնատեխնիկական գործ և դեղագործություն որակավորմամբ կրտսեր մասնագետներ: Քոլեջում դասավանդում են Գյումրիի լավագույն բժիշկներից Սուջյան Լավրենտին բժշկական գիտությունների թեկնածու, աշխատանքային տարիների փորձ ունեցող (աշխատել է որպես առողջապահության բաժնի վարիչ, Ավստրիական հիվանդանոցի գլխավոր բժիշկ, այժմ Բեռլին պոլիկլինիկայի վիրաբույժ), մանկաբույժ Աղաջանյան Անահիտը (Վերականգնողական կենտրոնի գլխավոր բժիշկ), հանրահայտ բժիշկ-գինեկոլոգ Գրիգորյան Ֆելիքսը, Կարապետյան Անահիտը, դեղագետ Իվանյան Արթուրը, որի դեղատունը միաժամանակ ուսումնական բազա է դեղագործական բաժնի ուսանողների համար և ուրիշ բարձրակարգ մասնագետներ:

Քոլեջի մասնաշենքն ունի քիմիայի, ֆիզիկայի, անատոմիայի լաբորատորիաներ, ստոմատոլոգիական կաբինետ հագեցած ժամանակակից բժշկական սարքավորումներով և գործիքներով: Գործում է նաև ատամնատեխնիկական կաբինետը: Լաբորատորիաների դիդակտիկ նյութերն ու պարագաները բժշկական ատլասներ, պլակատներ, մուլյաժներ, հնարավորություն են ընձեռում ուսանողներին ավելի խորն ուսումնասիրել և ըմբռնել հանձնարարվող նյութը: Քոլեջն ունի հարուստ գրադարան: Քաղաքի լավագույն հիվանդանոցները Մարզային հիվանդանոցը, ծննդատունը, Հոսպիտալը, թիվ 1 պոլիկլինիկան, Սան-էպիդ կայանը, ստոմատոլոգիական թիվ 2 պոլիկլինիկան, Ստելլա-Նուն ՍՊԸ դեղատունը, հանդիսանում են քոլեջի ուսումնական բազաները, որտեղ ուսանողները ձեռք են բերում պրակտիկ գիտելիքներ:

2007թ. քոլեջի 4 մասնագիտություններ ատամնատեխնիկական գործ, մանկաբաձական գործ, քույրական գործ, դեղագործություն ստացան հավատարմագրեր և լիցենզավորվեցին:

Գյումրի քաղաքի Ստելլա-Նուն ՍՊԸ, Հենրիկ Հարությունյան Ա2, Կենդանի լույս ՍՊԸ, Իտալական հիվանդանոցում աշխատում են մեր լավագույն ուսանողները, որոնց բանիմաց աշխատանքից գոհ են գործատուները:

Դեղագործություն ուսումնասիրող ուսանողների համար կազմակերպվում են արտադրական պրակտիկաներ, որոնք անցկացվում են Հայաստանի տարբեր մարզերում, և ուսանողն այդ ընթացքում ծանոթանում ու ուսումնասիրում է բնաշխարհի դեղաբույսերը, հավաքվում ու պատրաստվում են հերբարիումներ, որոնք հետաgայում օgտաgործվում են ուսմնական gործընթացում:  
2010-2011թթ. ուստարում քոլեջը տալիս է իր տասներկուերորդ շրջանավարտը:

ԲԺՇԿԱԿԱՆ    ՔՈԼԵՋԻ    ԱՌԱՔԵԼՈՒԹՅՈՒՆԸ  

Բժշկական    քոլեջի    առաքելությունը ,  նպատակներն    ու    խնդիրները ,  ինչպես    նաև    գործունեության    հիմնական    ուղղությունները    ձևավորվել    են    Քոլեջի    կանոնադրության    և    ռազմավարության    հիման    վրա։

Քոլեջի    գործունեության    հիմնական    նպատակներն    են՝

1. Առողջապահության    ոլորտում    մրցունակ    և    որակավորված    միջին    օղակի    մասնագետների    պատրաստում՝    պետական    կրթական    չափորոշիչներին    և    աշխատաշուկայի    պահանջներին    համապատասխան։
2. Կրթական    գործունեության    համապատասխանության    ապահովում    տարածաշրջանի ,  համայնքի    և    երկրի    զարգացման    ռազմավարության    պահանջներին՝    ուղղված    մասնագետների    որակյալ    պատրաստմանը։
3. Սովորողների    մասնագիտական    կարողությունների ,  պատասխանատվության ,  հումանիստական    արժեքների    և    բժշկական    աշխատողի    էթիկական    նորմերի    ձևավորում։
4. Կրթության    ներքին    որակի    ապահովման    համակարգի    զարգացում    և    կրթական    ծրագրերի    շարունակական    կատարելագործում։
5. Բարենպաստ    կրթական    միջավայրի    ստեղծում ,  որը    նպաստում    է    ուսանողների    անձնական    և    մասնագիտական    զարգացմանը։
6. Բժշկական    հաստատությունների    և    սոցիալական    գործընկերների    հետ    համագործակցության    ամրապնդում՝    սովորողների    արդյունավետ    գործնական    պատրաստվածության    կազմակերպման    նպատակով։
7. Մանկավարժական    կազմի    մասնագիտական    մակարդակի    բարձրացում    և    Քոլեջի    մարդկային    ռեսուրսների    ներուժի    զարգացում։
8. Ուսուցման    նորարարական    մեթոդների    ներդրում    և    Քոլեջի    նյութատեխնիկական    բազայի    զարգացում։
9. Ուսանողների    քաղաքացիական    պատասխանատվության ,  հաղորդակցման    մշակույթի    և    բժշկական    էթիկայի    սկզբունքներին    նվիրվածության    դաստիարակում։
10. Քոլեջի    կրթական    գործունեության    մատչելիության    և    թափանցիկության    ապահովում։

Քոլեջում    ուսումնական    գործընթացը    կազմակերպվում    է    թափանցիկության    և    հրապարակայնության    սկզբունքներով։

Մասնագիտական    կրթության    ծրագրերի    և    այլ    կրթական    դասընթացների    իրականացումը    ներառում    է    նաև    ստեղծագործական ,  գիտահետազոտական ,  ուսումնամեթոդական ,  փորձարարական    և    փորձագիտական    գործունեություն՝    ուղղված    կրթության    որակի    բարձրացմանը։

Բժշկական    քոլեջի    առաքելությունը ,  նպատակներն    ու    խնդիրները    ամրագրված    են    հաստատության    Ռազմավարական    ծրագրում։    Դրանց    հիման    վրա    սահմանվել    են    Քոլեջի    զարգացման    հիմնական    ռազմավարական    ուղղությունները ,  որոնց    շարքում    առաջնահերթ    նշանակություն    ունեն՝

• Որակյալ կրթության ապահովում
• Որակավորված մարդկային ռեսուրսների և ենթակառուցվածքների ձևավորում
• Ֆինանսական կայունություն և արդյունավետ կառավարում
• Տարածաշրջանային և միջազգային համագործակցության ընդլայնում։

Քոլեջում իրականացվում են միջին մասնագիտական կրթության հետևյալ ծրագրերը՝

• 0913.02.5 «Բուժքույրական գործ» (Բուժքույր)
• 0912.02.5 «Մանկաբարձական գործ» (Մանկաբարձ)
• 0916․01․5 «Դեղագործություն» (Դեղագործ)
• 0911.01.5 «Ատամնատեխնիկական գործ» (Ատամնատեխնիկ)

Կրթության որակի ապահովման նպատակով Քոլեջը մշտապես իրականացնում է մասնագիտական կրթական ծրագրերի, դասավանդման մեթոդների, ուսումնական գործընթացների և ուսուցման արդյունքների մշակում, վերլուծություն և վերանայում՝ հաշվի առնելով աշխատաշուկայի և առողջապահական համակարգի փոփոխվող պահանջները։

Քոլեջը ներդնում է ուսուցման և գիտելիքների գնահատման ժամանակակից մոտեցումներ՝ ապահովելով կրթական արդյունքների համապատասխանությունը միջին մասնագիտական կրթության պետական չափորոշիչներին։

Քոլեջը ձևավորում է ուսանողակենտրոն կրթական միջավայր, որտեղ կարևոր նշանակություն ունեն ուսանողների ինքնուրույն աշխատանքը, ակտիվ մասնակցությունը և կարծիքի արտահայտումը։

Քոլեջում պարբերաբար անցկացվում են բաց դասեր, որոնց շրջանակում ուսանողները ներկայացնում են մասնագիտության և իրենց կողմից ընտրված թեմաների վերաբերյալ ինքնուրույն աշխատանքներ (Ինքնուրույն աշխատանքների հղումը՝ ԱՅՍՏԵՂ )։

Կարիերայի կենտրոնը ակտիվորեն համագործակցում է գործատուների և Քոլեջի հաջողակ շրջանավարտների հետ՝ նրանց ներգրավելով ուսանողների մասնագիտական կողմնորոշման գործընթացում (հանդիպում « PHARM TRAINING CENTER »-ի հետ՝ զբաղվածության հնարավորություններ և մասնագիտական հավաստագրում տրամադրող հասարակական կազմակերպություն)։

Քոլեջն իր ռազմավարական առաջնահերթություններին համապատասխան իրավունք ունի համագործակցելու օտարերկրյա կրթական հաստատությունների և կազմակերպությունների հետ՝ Հայաստանի Հանրապետության օրենսդրությամբ սահմանված կարգով։

Միջազգային գործունեության հիմնական ուղղություններն են՝

1. Մասնագիտական կրթության ոլորտում նորարարությունների ներդրում և զարգացում, միջազգային առաջավոր փորձի հարմարեցում և տեղայնացում, համաշխարհային կրթական համակարգերին ինտեգրում։
2. Եվրոպական միջին մասնագիտական կրթության հաստատությունների հաջողված փորձի ուսումնասիրում և մասնագետների պատրաստման միջազգային չափանիշների հարմարեցում։
3. Միջազգային կազմակերպությունների և ոլորտային կրթական ցանցերի հետ գործընկերային կապերի հաստատում՝ միջազգայնացման գործընթացներին նպաստելու նպատակով (Document Preparation Agency)։

Բժշկական քոլեջի առաքելությունն է միջին մասնագիտական կրթության ծրագրերի իրականացումը՝ աշխատաշուկայում պահանջված մրցունակ և որակավորված մասնագետների պատրաստման նպատակով։ Քոլեջի շրջանավարտներն օժտված են գործնական հմտություններով, մասնագիտական պատասխանատվությամբ, սոցիալական ակտիվությամբ, հասարակությանը օգտակար գործունեություն իրականացնելու կարողություններով և մասնագիտական ու անձնական շարունակական զարգացման ներուժով։

Քոլեջը մշակում և կիրառում է ուսուցման ժամանակակից մեթոդներ, որոնք նպաստում են ուսանողակենտրոն կրթական միջավայրի ձևավորմանը։ Սա ապահովում է՝

• ուսանողների մասնագիտական և գործնական կարողությունների զարգացում,
• սոցիալական և քաղաքացիական պատասխանատվության ձևավորում,
• սովորողների ինքնուրույն և շարունակական մասնագիտական աճի խթանում։

Քոլեջի առաքելությունը համապատասխանում է Ազգային որակավորումների շրջանակի մեխանիզմներին՝ ապահովելով տվյալ մակարդակի համար սահմանված գիտելիքների, հմտությունների և պատասխանատվության չափանիշների ձեռքբերումը։

Տեղեկանք

Բժշկական միջին մասնագիտական կրթական ծրագրեր իրականացնող

«Պրոգրես» համալսարանի բժշկական քոլեջի գիտ ա մանկավարժական կազմի մասին 

2025-2026 ուստարի