Սույն թվականի հունվարի 31-ին տեղի ունեցավ Գյումրու «Պրոգրես» համալսարանի ռեկտորի և պրոֆեսորադասախոսական անձնակազմի հանդիպումը «Բուժական գործ» և «Ստոմատոլոգիա» մասնագիտություններով սովորող օտարերկրյա ուսանողների հետ, որտեղ կատարվեց ուսանողների առաջին կիսամյակի ուսումնական գործընթացի վերլուծություն, քննարկվեց կազմակերպչական և ուսումնակրթական հարցեր: Այնուհետև հնչեցին շնորհավորանքներ և մաղթանքներ հետագա ուսումնառության, բարձր առաջադիմության և մասնագիտական հմտություններ ձեռք բերելու բնագավառում: Այնուհետև օտարերկրյա ուսանողներին հանդիսավորությամբ հանձնվեցին ուսանողական տոմսեր և ստուգարքային գրքույկներ:
